പറന്നുപൊങ്ങുന്ന സ്വപ്നങ്ങള്‍

കടല്‍ക്കര, മണല്‍

മലം, ചളി, ചലം

വെയില്‍, വെണ്മ

മാനം നോക്കിക്കിടക്കുന്ന ഞാന്‍

ഉം

ഓടി മറയുന്ന ഞണ്ടുകള്‍ക്കിടയില്‍

ചത്തടിഞ്ഞ നക്ഷത്രമത്സ്യങ്ങള്‍ക്കിടയില്‍

തിരയായെത്തുന്ന മീന്‍മണത്തിനിടയില്‍

മാനം നോക്കി ഞാന്‍.

വട്ടം ചുറ്റിയുയരുന്ന എന്റെ സ്വപ്നങ്ങള്‍

പിന്നെ ?

ചിറകടിക്കാതെ പൊന്തുന്ന സ്വപ്നങ്ങള്‍

ഉയര്‍ന്നുയര്‍ന്നുപൊന്തുന്ന സ്വപ്നങ്ങള്‍

മതിയെടാ വാ,

അല്‍പം കൂടിയേ കാത്തിരിക്ക്,

അതിനകം അവ പോവുമിഷ്ടാ

നേര്‍ത്തൊരു പൊട്ടായി

ആകാശത്തേയ്ക്ക് മറയും.

അതുവരെ നോക്കട്ടെ.. 

ഞാനവ നോക്കിയിരിക്കട്ടെ...